「老師鬧人？」
呢條問題。呢句句子真係聽過好多次
真相係咩？
我用我既身份答你
「老師係唔得閒鬧人」
講真。返呢份工。係會好勞氣
成日喉嚨痛&沙聲
但以上既原因唔係因為鬧人。
係老師有種病係「中意大聲叫」
簡稱「咆哮」。
對於我來說「咆哮」絕冇鬧人成分
完全係「忽然想大聲呼叫你的名字」
（打完呢句自己都笑左😅）
我真係唔得閒鬧人亦都唔想鬧人
因為我要建立一個美麗既形象
所以鬧人唔係我既興趣
唔好再話老師鬧人
老師只不過係會突然之間大叫既生物！
當孩子說「老師鬧你呀！」
我聽到既時候我會立刻糾正
「老師係唔會鬧人。老師係想教導你」
（真心既。我唔理你。我就唔大聲啦）
以後有孩子再說「老師鬧人」
永遠就會有一些正義既朋友出黎
：「老師係唔鬧人架.係教你」
我非常欣賞呢d孩子。
將來必定是社會棟樑👍🏻
我唔選擇鬧。
我係選擇以反問既方法突顯你既錯誤
例如：唔記得帶功課
我唔會鬧.我會突然之間大聲地說：
「你係咪覺得唔洗帶功課？」
其後小朋友就會get到
「我以後要帶功課」
（總好過你鬧佢做咩唔帶功課！佢鬼識答）
再例如：排隊傾偈
我便會說：
「你係咪覺得排隊可以傾偈？」
其後小朋友就會明白排隊唔可以傾偈
否則有人便會突然之間大聲說話😂
我。係唔會鬧！我係用反問呢個方法😂
我要小朋友知道問題出在哪裡！
總括
老師係唔會鬧人
老師係唔得閒鬧人
老師都想唔洗說話地渡過每一日
點解仲要話老師鬧人！哈哈
最多都係突然之間大聲地反問你！
真係邊有人中意鬧人
我唔敢講其他人。但至少我唔想大聲講野
如果返工唔洗大聲講野.唔洗勞氣
你話呢個世界幾咁美好幾咁安靜！
明天。唔知要突然之間大聲反問多少次呢？
Search